متحدہ قومی موومنٹ کے رہنما فیصل سبزواری نے کہا ہے کہ بلدیاتی قانون کے معاملے پر رات کے اندھیرے میں جماعت اسلامی نے معاہدہ کرکے پیپلزپارٹی کو ریلیف دیا۔
نجی ٹی وی جیو نیوز پر گفتگو کرتے ہوئے انکا کہنا تھا کہ 2013 کے بلدیاتی قانون کو بھی ایم کیو ایم نے عدالت میں چیلنج کیا تھا، ایم کیو ایم کے پر امن مظاہرین کو وزیراعلیٰ ہاؤس کے سامنے تشدد کا نشانہ بنایا گیا۔ سندھ حکومت کو ایم کیو ایم سے خطرہ ہے، اس لیے کارکنوں پر تشدد کیا ایم کیو ایم پاکستان آئندہ بھی اہم شاہراہوں پر بلدیاتی قانون کے خلاف احتجاج کرے گی۔