مشیر خزانہ خیبرپختونخوا مزمل اسلم نے کہا ہے کہ ملک کی معاشی کمر ٹوٹ چکی مگر فیصلہ سازوں کو سمجھ نہیں آرہی۔

اپنے ایک بیان میں مزمل اسلم کا کہنا ہے کہ خیبرپختونخوا نے تحریک انصاف کو 90 فیصد مینڈیٹ دیا، خیبرپختونخوا کو سینیٹ کے انتخابات سے محروم رکھا گیا۔ بلوچستان بغیر کابینہ کے چلایا جارہا ہے، بلوچستان کو سینیٹ کا الیکشن دیا گیا۔ جمہوریت کو خطرہ صرف فارم 47 کی جماعتوں سے ہے، دو خاندانوں نے ملک اور عہدوں پر قبضہ کر کے ملک کو جام کر دیا ہے۔

مزمل اسلم نے کہا ہے کہ آئی ایم ایف کی ایم ڈی نے بھی پیغام دیا ہے کہ ابھی پروگرام سے پہلے چند مسائل ہیں، ایشیائی ترقیاتی بینک نے اس سال گروتھ 1.9 فیصداور مہنگائی 25 فیصد کے اعداد جاری کردیے۔ غربت 50 فیصد آبادی پر راج کررہی ہے